Daar het onlangs ‘n artikel in die ‘Klyntji’ verskyn met die titel: “Mooi Nooi: die vele lewens van Noitjie van die Onderveld” waarin skrywer Karolien van Zyl melding maak van my werk wat ook ingesluit was in haar uitstalling ‘Mooi Nooi: sculpting identity – art, nationalism and womanhood, in 2025 as deel van haar meestersgraad aan die Universiteit van Witwatersrand.
Dit is ‘n histories insiggewende skrywe waarin sy, Anton van Wouw se Noitjie, historiese voorwerpe, argief materiaal en kontemporere kunswerke met mekaar in gesprek bring. ‘Size matters’ was deel van hierdie uitstalling.
“Size Matters verbeel nuwe moontlikhede vir Afrikanervroulikheid. Noitjie staan nie meer alleen op haar voetstuk nie, maar word opgeneem in ’n uitbundige wêreld van plante, diere en liggaamlikheid. ’n Wêreld wat wemel van lewe. Die ingetoënheid van Van Wouw se beeld maak plek vir oorvloed en transformasie. Soos haar vele lewens getuig, is Noitjie se geskiedenis een van voortdurende herlesing.”
Lees gerus die volledige skrywe op Klyntji se webblad: https://klyntji.com/joernaal/2026/8/21/noitjie-van-die-onderveld
(Klyntji.com bestaan van 2014 af en is ’n onafhanklike webjoernaal wat fokus op diverse en progressiewe kuns en kultuur.)
